Category: School Activities
L-istudenti tar-raba’, il-ħames u s-sitt klassi żaru l- Librerija Pubblika tal-Furjana fl-okkażjoni ta’ Jum il-Ktieb 2013. L-istudenti barra li tgħallmu kif jużaw il-libreriji kellhom ukoll sessjoni ta’ story telling organizzata mill-FES.
Categories
Eco Green Day
Fil-21 ta’ Marzu l-iskola tagħna ċċelebrat l-inawgurazzjoni ta’ Ġnien il-Qari. Il-kumitat tal-Ekoskola fetaħ din iċ-ċelebrazzjoni billi rringrazja lil kull persuna li tat sehemha biex din l-attivita’ tkun possibli. Wara l-ftuħ tal-ġnien, l-istudenti marru fuq iz-zuntier tal-knisja ikantaw l-innu tal-iskola u magħhom ħadu l-bandiera l-ħadra li hija unur li kisbet l-iskola. Hekk kif waslu lura l-iskola, l-kumitat tal-Ekoskola għamel preżentazzjoni dwar iċ-ċiklu tal-ilma filwaqt li l-istudenti kollha taw wirja ta’ kant u żfin relatata mat-tema tal-ambjent. Wara l-istudenti waħlu tpinġija t’idejhom fuq mudell ta’ siġra magħmula minn injam u tappijiet tas-sufra. Aktar tard wara nofsinhar xi klassijiet għamlu attivita’ abbinata ma’ Dinja Waħda. Dakinhar it-tfal ingħataw flokk aħdar u xi frott biex tibqa’ mfakkra din il-ġurnata hekk speċjali.
Make your own slideshow at Animoto.
Nhar it-Tlieta 13 ta’ Novembru l-istudenti u l-għalliema flimkien mas-surmast marru mixja mar-raħal tal-Qrendi. Matul din il-mixja edukattiva l-istudenti setgħu japprezzaw l-karatteristiċi uniċi li għandu dan ir-raħal.